بی اے پی کے پارٹی الیکشنز اگلے مہینے کرانے کا اعلان
29 Sep 2021 16:31
اپنی ایک ٹویٹ میں وزیراعلیٰ بلوچستان نے کہا ہے کہ بلوچستان عوامی پارٹی کے انتخابات اگلے مہینے کرائے جائیں گے۔
اسلام ٹائمز۔ وزیراعلیٰ بلوچستان نے حمکران جماعت بلوچستان عوامی پارٹی کے اہم عہدوں کے لئے الیکشنز اگلے مہینے کرانے کا اعلان کر دیا ہے۔ انہوں نے سوشل میڈیا کے ویب سائٹ ٹویٹر پر اپنے ایک پیغام میں بی اے پی کے انتخابات کا اعلان کرتے ہوئے کہا ہے کہ بلوچستان عوامی پارٹی کے صدر کی حیثیت سے کام کرنا میرے لئے اعزاز کی بات ہے۔ انہوں نے مزید کہا کہ ایک نئی جماعت ہونے کی وجہ سے ہم نے شدید مشکلات کا سامنا کیا۔ بلوچستان عوامی پارٹی کی خدمت کے حوالے سے انکا کہنا تھا کہ تمام مشکلات کے باوجود ہم نے بلوچستان کے عوام کو اپنی کارکردگی دکھا دی۔
خبر کا کوڈ: 956344