اسلام ٹائمز۔ سوشل میڈیا پر مذہبی منافرت پھیلانے والے سرکاری ملازم کو ملازمت سے فارغ کر دیا گیا۔ رپورٹ کے مطابق محکمہ پانی و بجلی استور ڈویژن کے ایل ڈی سی ممتاز احمد کی جانب سے سوشل میڈیا پر مذہبی منافرت پھیلانے کا الزام تھا جس پر صوبائی حکومت نے محکمانہ کارروائی کرتے ہوئے انہیں نوکری سے فارغ کر دیا۔ اس سے پہلے گلگت بلتستان حکومت کے جاری کردہ قوانین کے مطابق منافرت پھیلانے والے سرکاری ملازمین کیخلاف سخت کارروائی کا حکم نامہ جاری ہوا تھا۔