اسلام ٹائمز۔ الیکشن کمیشن نے سندھ حکومت سے ایک ماہ میں حلقہ بندی اور بلدیاتی نظام سے متعلق قانون میں ترمیم کے نوٹیفکیشن طلب کرلیے۔ تفصیلات کے مطابق الیکشن کمیشن آف پاکستان نے سندھ میں بلدیاتی انتخابات سے متعلق کیس کا حکم نامہ جاری کر دیا ہے۔ الیکشن کمیشن نے اپنے حکم نامے میں سندھ حکومت ایک ماہ میں لوکل گورنمنٹ ایکٹ سے متعلق بھی تمام ترامیم کا نوٹیفکیشن اور حلقہ بندیوں کیلئے مطلوبہ ڈیٹا طلب کرلیا ہے۔ الیکشن کمیشن نے حکم دیا ہے کہ متعلقہ ڈیٹا اور بروقت ترمیم کرکے نوٹیفکیشن جاری نہ کیا تو مقدمہ دوبارہ سماعت کیلئے مقرر ہوگا، حکم پر عملدرآمد نہ ہو تو آئندہ سماعت پر چیف سیکرٹری سندھ ذاتی حیثیت میں پیش ہوں۔