اسلام ٹائمز۔ پولیس اور ملزمان کے درمیان منگچر کے مقام پر فائرنگ سے ایک شخص جان بحق جبکہ دو افراد زخمی ہو گئے ہیں۔ لیویز ذرائع کے مطابق آج کرائم برانچ پولیس کوئٹہ نے حب چوکی میں چھاپہ مار کر تین ملزمان کو گرفتار کر لیا۔ جنہیں کوئٹہ لایا جا رہا تھا۔ سورو کے مقام پر ایک فائرنگ کا واقعہ پیش آیا جس کے نتیجے میں ایک ملزم موقع پر جان بحق ہوگیا، جبکہ اس کا بھائی زخمی ہوگیا۔ اس کے علاوہ ایک پولیس اہلکار کی زخمی ہونے کی اطلاع ہے۔ تاہم واقعہ کی نوعیت معلوم نہیں ہوسکی۔