اسلام ٹائمز۔ پنجاب حکومت نے 12 ربیع الاول 19 اکتوبر بروز منگل کو ملک بھر میں عام تعطیل کا اعلان کر دیا ہے۔ محکمہ داخلہ کی جانب سے 12 ربیع الاول 19 اکتوبر بروز منگل عید میلادالنبی (ص) کے موقع پر ملک بھر میں عام تعطیل کا نوٹیفکیشن جاری کیا گیا ہے۔ اس موقع پر پنجاب میں موٹرسائیکل پر ڈبل سواری پر پابندی بھی نہیں ہوگی اور کسی بھی شہر میں موبائل فون سروس بھی بند نہیں کی جائے گی۔ جبکہ سندھ میں سکیورٹی خدشات کے پیش نظرکراچی سمیت صوبے بھر میں موٹر سائیکل کی ڈبل سواری پر بھی پابندی عائد کردی گئی ہے۔ خواتین، بزرگ، بچے اور قانون نافذ کرنیوالے اداروں کے اہلکار اور صحافیوں پر ڈبل سواری پر پابندی کا اطلاق نہیں ہوگا۔