QR CodeQR Code

نئی افغان حکومت تسلیم نہ کرنے سے داعش کو فائدہ ہے، امیر خان متقی

18 Oct 2021 10:11

افغانستان کے قائمقام وزیر خارجہ نے ترک میڈیا کو انٹرویو دیتے ہوئے کہا کہ افغانستان کی حکومت کو تسلیم نہ کرنا افغانوں کے حقوق سلب کرنا ہے اور اس صورتحال نے افغانستان کی معیشت پر منفی اثر ڈالا ہے۔


اسلام ٹائمز۔ افغانستان کے قائم مقام وزیر خارجہ امیر خان متقی نے کہا ہے کہ افغانستان میں نئی حکومت کو تسلیم نہ کرنے سے داعش کو فائدہ ہے۔ امیر خان متقی نے ترک میڈیا کو انٹرویو دیتے ہوئے کہا کہ افغانستان کی حکومت کو تسلیم نہ کرنا افغانوں کے حقوق سلب کرنا ہے اور اس صورتحال نے افغانستان کی معیشت پر منفی اثر ڈالا ہے، طالبان حکومت کو عالمی سطح پر تسلیم کرنا اور عالمی امداد ملکی معیشت کی بحالی کیلئے اہم ہے۔ انہوں نے کہا کہ امریکا کا ملکی ذخائر منجمد کرنا عالمی قوانین اور انسانی حقوق کی خلاف ورزی ہے۔ افغان وزیر خارجہ نے کہا کہ ترکی اپنے وسائل سے افغانستان میں سرمایہ کاری اور بحالی میں فعال کردار ادا کر سکتا ہے۔ ان کا مزید کہنا ہے کہ دنیا کے ممالک کی جانب سے امداد کا اعلان افغانستان کے ساتھ ان کے تعاون کو ظاہر کرتا ہے، ملک میں داعش کے خطرے کے حوالے سے ملک میں سکیورٹی کو یقینی بنایا گیا ہے اور اس لحاظ سے کوئی خطرہ نہیں ہے۔ واضح رہے کہ افغانستان کے قائم مقام وزیر خارجہ امیر خان متقی نے رواں ہفتے ترکی کا سرکاری دورہ کیا ہے۔


خبر کا کوڈ: 959253

خبر کا ایڈریس :
https://www.islamtimes.org/ur/news/959253/نئی-افغان-حکومت-تسلیم-نہ-کرنے-سے-داعش-کو-فائدہ-ہے-امیر-خان-متقی

اسلام ٹائمز
  https://www.islamtimes.org