ملتان، جماعت اسلامی کے زیراہتمام مہنگائی، اشیائے خوردونوش اور پٹرولیم مصنوعات میں اضافے کیخلاف احتجاج 

اسلام ٹائمز۔ امیر جماعت اسلامی ملتان ڈاکٹر صفدر ہاشمی نے کہا ہے کہ چور کرپٹ حکمرانوں نے ملک کو تباہ کردیا ہے، اب انہیں ان کے محلات سے باہر نکالنے کا وقت آگیا ہے۔ امیر جماعت اسلامی ملتان ڈاکٹر صفدر ہاشمی نے کہا کہ ملک کو آئی ایم ایف اور ورلڈ بنک کے غلاموں نے پاکستان کو دیوالیہ بنا دیا ہے۔ ملکی معیشت تباہی کا شکار ہے، مہنگائی نے قوم کو پریشان کر رکھا ہے، جینا اور مرنا دونوں مشکل ہوچکا ہے۔ ادویات کی قیمتیں، گھی، چینی، دالیں، آٹا عوام کی پہنچ سے دور ہے۔ بجلی کی قیمت میں ناجائز منافع اور ٹیکس وصول کیے جارہے ہیں۔ ٹیکس عوام ادا کر رہی ہے اور عیاشیاں حکمران کررہے ہیں۔ان خیالات کا اظہار ڈاکٹر صفدر ہاشمی نے کچہری چوک پر احتجاجی مظاہرہ سے خطاب کرتے ہوئے کیا۔ انہوں نے کہا کہ 31 اکتوبر کو نوجوان اسلام آباد ان ظالم حکمرانوں سے حساب لینے ڈی چوک آرہے ہیں۔