مہنگائی کے خلاف خیبر پختونخوا بھر کے وکلاء کا ‏عدالتی بائیکاٹ

اسلام ٹائمز۔ ملک میں جاری مہنگائی کے خلاف ہائیکورٹ بار ایسوسی ایشن کی کال پر خیبر پختونخوا بھر کے وکلاء نے آج ‏عدالتی بائیکاٹ کیا اور احتجاجی مظاہرے ریکارڈ کرائے۔ پشاور ہائیکورٹ کے وکلاء نے بھی ہائیکورٹ سے اسمبلی گیٹ تک ریلی نکالی، مظاہرین نے بینرز اٹھائے تھے، جن پر ‏حکومت کے خلاف سخت نعرے درج تھے۔ وکلاء نے حکومت سے مطالبہ کیا کہ پٹرولیم قیمتوں میں جو ‏اضافہ کیا گیا ہے اس کو واپس لیا جائے اور اشیاء خوردنوش کی قیمتوں کو کنٹرول کرنے کے لئے سنجیدہ اقدامات ‏کئے جائیں۔ وکلاء نے دھمکی دی کہ اگر مہنگائی کو کنٹرول کرنے کے لئے اقدامات نہ کئے گئے تو پھر تحریک ‏شروع کریں گے۔ احتجاجی ریلی سے پہلے ہائیکورٹ بار روم میں وکلاء کا اجلاس ہوا، جس سے پشاور ہائیکورٹ بار ایسوسی ایسوسی ‏ایشن کے صدر بہلول خٹک اور دیگر سینئر وکلاء نے خطاب کیا۔