0
Wednesday 20 Oct 2021 13:26

عمران خان مذہبی کارڈ کھیلتے ہیں، احسن اقبال

عمران خان مذہبی کارڈ کھیلتے ہیں، احسن اقبال
 اسلام ٹائمز۔ مسلم لیگ نواز کے رہنما احسن اقبال نے کہا ہے کہ عمران خان مذہبی کارڈ کھیلتے ہیں، کیا ریاست مدینہ میں غیر ملکی تحفے ہڑپ کئے جا سکتے ہیں؟ عمران نیازی ریاست مدینہ کے خود ساختہ امیر ہیں۔اسلام آباد میں احتساب عدالت کے باہر میڈیا سے بات چیت کرتے ہوئے مسلم لیگ نواز کے رہنما احسن اقبال نے کہا کہ پاکستان ڈیموکریٹک موومنٹ (پی ڈی ایم) نے فیصلہ کیا ہے کہ عوام فیصلہ کن تحریک چلا کر جعلی حکمرانوں کو گھر بھیجیں، ان نالائقوں کو رخصت نہ کیا گیا تو ملک کے مسائل ناقابل حل ہوں گے۔ احسن اقبال نے کہا کہ مسلم لیگ نواز میں قیادت کی کوئی جنگ نہیں، مسلم لیگ چٹان کی طرح متحد ہے، حکومت کی این ایچ اے کی رپورٹ ہماری کارکردگی کے قصیدے پڑھ رہی ہے۔ احسن اقبال کا کہنا ہے کہ پورا ملک معاشی و اقتصادی بد حالی کا شکار ہے، ایک ایک کر کے پاکستان کے قومی اداروں کو غیر فعال کیا گیا، پارلیمنٹ اور سپریم کورٹ کے فیصلے بے توقیر ہو رہے ہیں۔ انہوں نے مزید کہا کہ آئی جی، چیف سیکریٹریز، چیئرمین ایف بی آر کو بدلا جا رہا ہے، ہمارے دفاعی ادارے کا دو ہفتوں سے تماشا بنایا ہوا ہے، پاکستان ایٹمی طاقت ہے لیکن دنیا ہنس رہی ہے، کوئی قومی ادارہ ان کی جہالت سے نہیں بچا ہے۔ ان کا یہ بھی کہنا ہے کہ آج پاکستان تحریک انصاف (پی ٹی آئی) کے ووٹرز خود رو رہے ہیں، حکومت پیٹرول مہنگا کر کے مہنگائی کا ایٹم بم گرا رہی ہے، حکمران عیش کر رہے ہیں عوام مہنگائی کے بم سے جل رہے ہیں، دسمبر میں ملک کی تاریخ کا گیس کا بحران آ رہا ہے۔
خبر کا کوڈ : 959647
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش