اسلام ٹائمز - لاہور میں پیدا شدہ صورتحال لال مسجد کے واقعہ سے مماثلت رکھتی ہے، امیر العظیم

لاہور میں پیدا شدہ صورتحال لال مسجد کے واقعہ سے مماثلت رکھتی ہے، امیر العظیم

سیکرٹری جنرل جماعت اسلامی کا کہنا ہے کہ آئین پاکستان ہر جماعت کو پُرامن احتجاج کا حق دیتا ہے۔ انہوں نے کہا کہ حکومت بتائے کہ وہ کس کے ایماء پر اور کن کو خوش کرنے کیلئے شیلنگ کرا رہی ہے۔ امیر العظیم نے کہا کہ حکومت فوری طور پر سعد حسین رضوی اور احتجاج کے دوران گرفتار ہونیوالے تمام افراد کو رہا کرے۔

اسلام ٹائمز۔ جماعت اسلامی پاکستان کے سیکرٹری جنرل امیر العظیم نے ٹی ایل پی اور حکومت کے درمیان ہونیوالے معاہدے پر عمل نہ ہونے کی وجہ سے پیدا شدہ حالات اور جانی و مالی نقصان پر شدید افسوس کا اظہار کیا ہے۔ انہوں نے کہا کہ حکومت سیاسی جماعت سے کئے گئے معاہدے پر عملدرآمد کرے، خونریزی بند اور معاملہ کی عدالتی تحقیقات کرائی جائیں۔ امیر العظیم کا کہنا ہے کہ مظاہرین پر بلاجواز طاقت اور شیلنگ کی شدید مذمت کرتے ہیں، لاہور میں پیدا شدہ صورتحال لال مسجد کے واقعہ سے مماثلت رکھتی ہے، آئین پاکستان ہر جماعت کو پُرامن احتجاج کا حق دیتا ہے۔ انہوں نے کہا کہ حکومت بتائے کہ وہ کس کے ایماء پر اور کن کو خوش کرنے کیلئے شیلنگ کرا رہی ہے۔ امیر العظیم نے کہا کہ حکومت فوری طور پر سعد حسین رضوی اور احتجاج کے دوران گرفتار ہونیوالے تمام افراد کو رہا کرے۔