اسلام ٹائمز۔ تحریک لبیک کا قافلہ لاہور سے نکلنے میں کامیاب ہوگیا ہے، کارکنان کی پیش قدمی جاری ہے۔ قافلہ گوجرانوالہ کی طرف گامزن ہے۔ ذرائع کے مطابق شہر میں داخلے کا راستہ کنٹینرز لگا کر بند کیا گیا ہے۔ کالعدم تنظیم تحریک لبیک کے کارکنان نے کرین کی مدد سے رکاوٹوں کو ہٹا دیا ہے۔ اطلاعات کے مطابق قافلے میں جاں بحق ہونے والے کارکنوں کی لاشیں بھی شامل ہیں۔ تحریک لبیک نے اسلام آباد میں لاشوں سمیت دھرنے کا اعلان کیا ہے۔