اسلام ٹائمز - وزیراعلیٰ جام کمال خان کی استعفیٰ کی خبریں

آج صبح سے باخبر ذرائع کی جانب سے یہی خبر موصول ہوئی تھی کہ انکا استعفیٰ متوقع ہے۔

اسلام ٹائمز۔ نجی ٹی وی چینلز پر چلنے والی خبروں کے مطابق وزیراعلیٰ بلوچستان جام کمال خان اپنے عہدے سے مستعفی ہو چکے ہیں۔ تفصیلات کے مطابق انہوں نے اپنا استعفیٰ گورنر بلوچستان سید ظہور احمد آغا کو ارسال کر دیا ہے۔ آج صبح سے باخبر ذرائع کی جانب سے یہی خبر موصول ہوئی تھی کہ انکا استعفیٰ متوقع ہے۔ البتہ خود انکی جانب سے یا ترجمان حکومت بلوچستان لیاقت شاہوانی کی جانب سے اس خبر کی تصدیق نہیں ہوئی ہے۔