QR Code

آج بھی پیپلز پارٹی لوگوں کو مکان اور روزگار فراہم کررہی ہے، مرتضیٰ وہاب

23 Oct 2021 23:20

کے ایم سی مارکیٹ کورنگی پانچ کی افتتاحی تقریب سے خطاب کرتے ہوئے ایڈمنسٹریٹر کراچی نے کہا کہ سلیکٹڈ حکمرانوں نے عوام سے چھت اور روزگار چھینا لیکن ہم انہیں یہ دیں گے، ووٹ پی ٹی آئی اور ایم کیو ایم والے لیکر گئے لیکن کام پیپلز پارٹی کررہی ہے۔

اسلام ٹائمز۔ ایڈمنسٹریٹر کراچی، مشیر قانون اور ترجمان حکومت سندھ بیرسٹر مرتضیٰ وہاب نے کہا ہے کہ روٹی، کپڑا اور مکان کا نعرہ ماضی میں بھی پیپلز پارٹی نے پورا کیا اور آج بھی پیپلز پارٹی لوگوں کو مکان اور روزگار فراہم کررہی ہے، کے ایم سی مارکیٹ کورنگی میں انہیں 35 متاثرہ خاندانوں کو دکانیں فراہم کی ہیں، یہ بات انہوں نے کے ایم سی مارکیٹ کورنگی پانچ کی افتتاحی تقریب سے خطاب کرتے ہوئے کیا۔  ایڈمنسٹریٹر کراچی بیرسٹر مرتضی وہاب نے کہا کہ سلیکٹڈ حکمرانوں نے عوام سے چھت اور روزگار چھینا لیکن ہم انہیں یہ دیں گے، ہم پارٹی نعرہ کو عملی جامہ پہنا رہے ہیں، ووٹ پی ٹی آئی اور ایم کیو ایم والے لیکر گئے لیکن کام پیپلز پارٹی کررہی ہے، سابق میئر وسیم اختر کے دور میں روزگار چھینا گیا لیکن ہم دکانیں بناکر دے رہے ہیں۔

خبر کا کوڈ: 960204