پارا چنار، لکڑی کاٹنے کا تنازع، 4 افراد جاں بحق

اسلام ٹائمز۔ خیبر پختون خوا کے ضلع کرم کے صدر مقام پارا چنار میں جنگلات کی لکڑی کاٹنے کے تنازع پر 2 قبائل کے درمیان فائرنگ ہوئی ہے جس کے نتیجے میں 4 افراد جاں بحق اور 7 افراد زخمی ہو گئے۔ فریقین میں فائر بندی کی کوشش کے دوران جرگہ ممبر بھی فائرنگ سے زخمی ہو گئے۔ پولیس کے مطابق پاک افغان سرحد پر لکڑی کاٹنے کے تنازع پر 2 قبائل میں فائرنگ کا تبادلہ ہوا ہے۔ ڈی پی او کرم طاہر اقبال کا کہنا ہے کہ فائر بندی اور مورچے خالی کروانے کے لیے کوششیں کی جا رہی ہیں۔