QR Code

اقوام متحدہ کی سالگرہ پر آرمی چیف کا ںیک خواہشات کا اظہار

24 Oct 2021 11:28

آرمی چیف جنرل قمر جاوید باجوہ کا یہ بھی کہنا ہے کہ ہماری قربانیاں عالمی امن کے ہمارے غیر متزلزل عزم کی عکاس ہیں۔

اسلام ٹائمز۔ پاکستان کی مسلح افواج کی جانب سے اقوامِ متحدہ کی 76 ویں سالگرہ کے حوالے سے نیک خواہشات کا اظہار کیا گیا ہے۔ پاک فوج کے شعبہ تعلقاتِ عامہ (آئی ایس پی آر) کے ڈائریکٹر جنرل میجر جنرل بابر افتخار نے اس حوالے سے سماجی رابطے کی ویب سائٹ ٹوئٹر پر پاک فوج کے سربراہ جنرل قمر جاوید باجوہ کا بیان جاری کیا ہے۔ آرمی چیف جنرل قمر جاوید باجوہ کا کہنا ہے کہ پاک فوج امن کے لیے خدمات میں ہمیشہ پیش پیش رہی ہے، ہمارے جوانوں نے ہر آزمائش کی گھڑی میں قربانیاں دی ہیں۔  آرمی چیف جنرل قمر جاوید باجوہ کا یہ بھی کہنا ہے کہ ہماری قربانیاں عالمی امن کے ہمارے غیر متزلزل عزم کی عکاس ہیں۔ انہوں نے مزید کہا ہے کہ عالمی امن کے فروغ کے لیے ہماری قربانیاں دنیا کے سامنے ہیں، ہماری قربانیاں بابائے قوم کے وژن کے مطابق ہیں۔

خبر کا کوڈ: 960251