QR Code

عمران خان کو مزید اقتدار میں رہنے دینا عوام سے منافقت ہوگی، شازیہ مری

24 Oct 2021 19:20

ایک بیان میں ترجمان پی پی پارلیمنٹیرینز کا کہنا تھا کہ پنجاب میں بزدار کے خلاف عدم اعتماد کی تحریک کیلئے فضا سازگار ہے، بزدار کو نکالنے کے بعد عمران خان کو نکالنا آسان ہوگا۔

اسلام ٹائمز۔ پاکستان پیپلز پارٹی پارلیمنٹیرینز کی ترجمان شازیہ مری نے کہا ہے کہ عمران خان کو بھگانے کیلئے ان کے خلاف عدم اعتماد کی تحریک لانا ہوگی، قائد حزب اختلاف جلد از جلد عمران خان کے خلاف عدم اعتماد کی تحریک لائیں۔ ایک بیان میں شازیہ مری کا کہنا تھا کہ پنجاب میں بزدار کے خلاف عدم اعتماد کی تحریک کیلئے فضا سازگار ہے، بزدار کو نکالنے کے بعد عمران خان کو نکالنا آسان ہوگا۔

ترجمان پیپلز پارٹی شازیہ مری نے کہا کہ عمران خان کو مزید اقتدار میں رہنے دینا عوام سے منافقت ہوگی۔ شازیہ مری نے مزید کہا کہ مہنگائی اورمعاشی بدحالی عوام کو پامال کررہی ہے، آٹا، چاول، گھی، دالیں اور سبزیاں غریب کی قوت خرید سے باہر ہیں۔ ان کا یہ بھی کہنا تھا کہ درمیانہ طبقہ غربت کی لکیر سے نیچے آچکا ہے۔

خبر کا کوڈ: 960304