اسلام ٹائمز۔ پاکستان کے وزیر خارجہ شاہ محمود قریشی نے ایران کے صدر آیت اللہ سید ابراہیم رئیسی سے ملاقات کی، جس میں مختلف امور پر تبادلہ خیال کیا گیا۔ پاکستان کے وزیر خارجہ شاہ محمود قریشی تہران میں افغانستان کے ہمسایہ ممالک کے وزراء خارجہ کے اجلاس میں شرکت کے لئے تہران کے دورے پر ہیں۔ جہاں انہوں نے ایران کے صدر سید ابراہیم رئیسی کے ساتھ دو طرفہ تعلقات، علاقائی امور اور عالمی مسائۂ کے بارے میں تبادلہ خیال کیا۔ اس ملاقات میں پاکستانی وزیر خارجہ نے ایرانی صدر کو افغانستان میں جامع حکومت کی تشکیل اور استحکام کے لئے پاکستان کی کوششوں سے بھی آگاہ کیا۔