QR Code

حکمران آج تک سیاسی انتقامی کاروائیوں کے علاوہ کچھ نہیں کر سکے، شہباز شریف

30 Oct 2021 11:20

لاہور میں عدالت پیشی کے دوران میڈیا سے بات کرتے ہوئے شہباز شریف نے کہا کہ جو کیس نیب نے بنایا وہی ایف آئی اے نے بنا دیا ہے، میرے خلاف جھوٹ پر مبنی کیسز بنائے گیے ہیں۔

اسلام ٹائمز۔ مسلم لیگ (ن) کے صدر شہباز شریف نے کہا ہے کہ کالعدم جماعت کے ساتھ مذاکرات ہی مسئلے کا بہترین حل ہے۔ لاہور میں عدالت پیشی کے دوران میڈیا سے بات کرتے ہوئے شہباز شریف نے کہا کہ جو کیس نیب نے بنایا وہی ایف آئی اے نے بنا دیا ہے، میرے خلاف جھوٹ پر مبنی کیسز بنائے گیے ہیں، حکمران آج تک سیاسی انتقامی کاروائیوں کے علاوہ کچھ نہیں کر سکے، انشااللہ، اللہ انصاف کرے گا۔ کالعدم تنظیم کے احتجاج کے حوالے سے شہباز شریف نے کہا کہ مذاکرات ہی بہترین حل ہے، اتنی جانیں ضائع ہوئی ہیں اللہ تعالی پاکستان کو اپنے حفظ و امان میں قائم رکھے۔ دریں اثنا عدالت کے روبرو شہباز شریف نے کہا کہ ایک سال ہو گیا ہے، ایف آئی اے نے 2 بار انویسٹی گیشن جیل میں کی لیکن ایک دھیلے کی کرپشن بھی ثابت نہیں ہوئی، میرے بیٹے سے بھی جیل میں ایف آئی اے نے انویسٹی گیشن کی۔
 

خبر کا کوڈ: 961129