اسلام ٹائمز - سندھ حکومت صحت پر این جی اوز کا سہارا لیتی ہے، حافظ نعیم الرحمن

سندھ حکومت صحت پر این جی اوز کا سہارا لیتی ہے، حافظ نعیم الرحمن

میڈیا سے گفتگو کرتے ہوئے امیر جماعتِ اسلامی کراچی نے کہا کہ وفاقی حکومت کو کراچی کے اسپتالوں سے کوئی غرض نہیں، وفاق محض کاغذوں میں بجٹ بنا دیتا ہے، عملا کوئی کام نہیں ہوتا۔

اسلام ٹائمز۔ جماعتِ اسلامی کراچی کے امیر حافظ نعیم الرحمن نے کہا ہے کہ سندھ حکومت صحت کے شعبے میں این جی اوز کا سہارا لیتی ہے۔ میڈیا سے گفتگو کرتے ہوئے جماعتِ اسلامی کراچی کے امیر حافظ نعیم الرحمن نے وفاق اور سندھ حکومت کو تنقید کا نشانہ بنایا۔ انہوں نے کہاکہ وفاقی حکومت کو کراچی کے اسپتالوں سے کوئی غرض نہیں، وفاق محض کاغذوں میں بجٹ بنا دیتا ہے، عملا کوئی کام نہیں ہوتا۔ حافظ نعیم الرحمن نے کہاکہ سندھ حکومت اب کے ایم سی کے اسپتالوں پر قبضہ کرنا چاہتی ہے۔ انہوں نے کہا کہ شہری حکومت کے نظام کو مضبوط کرنے کی ضرورت ہے، صوبائی حکومت اداروں پر قبضہ کرنے میں مہارت رکھتی ہے۔