اسلام ٹائمز - ابھینندن کو پاکستان سے پٹنے پر ایوارڈ سے نواز دیا گیا

ابھینندن کو پاکستان سے پٹنے پر ایوارڈ سے نواز دیا گیا

ہندوستانی ایوارڈ ویر چکرا جنگ کے دوران دشمن کے سامنے فوجی کی بہادری کو دیکھتے ہوئے اُسے دیا جاتا ہے۔ دوسری جانب حقیقت اسکے برعکس ہے، 27 فروری 2019ء کو پاکستان ایئر فورس کے بہادر جوانوں کیجانب سے بغیر کسی نقصان کے مؤثر کارروائی کرتے ہوئے بھارتی طیارے مِگ21 کو تباہ کرکے ونگ کمانڈر ابھینندن کو حراست میں لے لیا گیا تھا۔

اسلام ٹائمز۔ بھارتی ونگ کمانڈر ابھینندن ورتھمان کو بھارتی حکومت کی جانب سے ویر چکرا ایوارڈ سے نوازا گیا ہے۔ بھارتی میڈیا کی جانب سے جھوٹی خوش خبری دینے کے لیے 27 فروری 2019ء کو پیش آنے والے واقعے کو توڑ مڑور کو پیش کیا گیا ہے جبکہ بھارتی میڈیا نے کالے کو سفید لکھنے میں بھی کوئی شرم محسوس نہیں کی ہے۔ بھارتی رپورٹس کے مطابق گروپ کیپٹن ابھینندن ورتھمان کو آج صبح بھارتی صدر رام ناتھ کوونڈ کی جانب سے 2019ء کی فروری میں پاکستان کا ایف16 طیارہ مار گرانے پر ویر چکرا ایوارڈ سے نوازا گیا ہے۔ بھارتی میڈیا کی جانب سے دعویٰ کیا گیا ہے کہ ابھینندن مِگ 21 طیارے کا پہلا پائلٹ ہے، جس نے F-16 کو مار گرایا تھا۔

بھارتی ویب سائٹ نے ساتھ ہی یہ بھی لکھا ہے کہ ایف16 طیارہ مار گرانے کے بعد ابھینندن پاکستان کی حدود میں پکڑے جانے کے بعد واپس کر دیا گیا تھا۔ واضح رہے کہ ہندوستانی ایوارڈ ویر چکرا جنگ کے دوران دشمن کے سامنے فوجی کی بہادری کو دیکھتے ہوئے اُسے دیا جاتا ہے۔ دوسری جانب حقیقت اس کے برعکس ہے، 27 فروری 2019ء کو پاکستان ایئر فورس کے بہادر جوانوں کی جانب سے بغیر کسی نقصان کے مؤثر کارروائی کرتے ہوئے بھارتی طیارے مِگ21 کو تباہ کرکے ونگ کمانڈر ابھینندن کو حراست میں لے لیا گیا تھا۔