اسلام ٹائمز۔ پنجاب حکومت نے سموگ کے پیش نظر ہفتے میں تین دن سکول اور دفاتر بند رکھنے کا فیصلہ کیا ہے۔ پنجاب حکومت نے اس حوالے سے نوٹیفکیشن جاری کر دیا ہے۔ نوٹیفکیشن کے مطابق تمام سرکاری و پرائیویٹ سکول ہفتہ، اتوار اور سوموار کے روز بند رہیں گے۔ سکولوں کی پابندی 27 نومبر سے 15 جنوری تک ہوگی۔ تمام نجی دفاتر بھی ہفتے میں تین دن بند رہیں گے۔
پنجاب حکومت نے صوبے میں سموگ کی شرح میں تیزی سے ہونیوالے اضافے کے بعد یہ فیصلہ کیا ہے۔ فیصلے کا مقصد بچوں اور ملازمین کو سموگ کے اثرات سے بچانا ہے۔