QR Code
سندھ حکومت صوبے میں بلدیاتی انتخابات کرانے میں سنجیدہ نہیں، خرم شیر زمان
23 Nov 2021 18:23
اپنی گفتگو میں پی ٹی آئی رہنما نے کہا کہ 120 دن میں بلدیاتی انتخابات نہ کروا کر آئین کی خلاف ورزی کی گئی، وزراء کی نااہلیوں کا خمیازہ سندھ کا ہر باسی بھگت رہا ہے،چیف الیکشن کمشنر بلدیاتی انتخابات کی تاریخ کا فوری اعلان کریں۔
اسلام ٹائمز۔ پاکستان تحریک انصاف کے رہنما خرم شیر زمان نے چیف الیکشن کمشنر سے بلدیاتی انتخابات کے فوری اعلان کا مطالبہ کردیا ہے۔ تفصیلات کے مطابق پاکستان تحریک انصاف کے رہنما خرم شیر زمان نے سندھ میں بلدیاتی انتخابات کے حوالے سے گفتگو کرتے ہوئے کہا بلدیاتی انتخابات میں سندھ حکومت شکست کے خوف سے تاخیری حربے استعمال کررہی ہے۔
انہوں نے کہا کہ پی پی اپنی شکست سے واقف ہے، اس لئے پیسہ ٹھکانے لگا رہی ہے، سندھ حکومت صوبے میں بلدیاتی انتخابات کرانے میں سنجیدہ نہیں۔ پی ٹی آئی رہنما نے کہا کہ 120 دن میں بلدیاتی انتخابات نہ کروا کر آئین کی خلاف ورزی کی گئی، وزراء کی نااہلیوں کا خمیازہ سندھ کا ہر باسی بھگت رہا ہے۔ انہوں نے مطالبہ کیا کہ چیف الیکشن کمشنر بلدیاتی انتخابات کی تاریخ کا فوری اعلان کریں۔
خبر کا کوڈ: 965057