?>?> پیٹرول مہنگا کرنے سے پہلے حکومت کم از کم ماہانہ تنخواہ 50 ہزار کرے، ثروت اعجاز قادری - اسلام ٹائمز
0
Thursday 25 Nov 2021 19:26

پیٹرول مہنگا کرنے سے پہلے حکومت کم از کم ماہانہ تنخواہ 50 ہزار کرے، ثروت اعجاز قادری

پیٹرول مہنگا کرنے سے پہلے حکومت کم از کم ماہانہ تنخواہ 50 ہزار کرے، ثروت اعجاز قادری
اسلام ٹائمز۔ پاکستان سنی تحریک کے سربراہ محمد ثروت اعجاز قادری نے کہا ہے کہ لولی پاپ کا دور ختم، حکمرانوں نے عوام کو ریلیف نہیں دیا تو مدت پوری کرنا مشکل ہو جائے گا۔ اپنے ایک بیان میں ثروت اعجاز قادری نے کہا کہ حکمرانوں کی مایوس کن پالیسیوں نے عوام کی زندگی کو اجیرن بنا دیا ہے، عوام حکومتی پالیسیوں سے شدید مشکلات کا شکار ہیں، طفل تسلیوں سے کام نہیں چلے گا، اب عملی طور پر کام نہ کیا تو عوام کا غیض و غضب کا سامنا کرنا ہوگا۔ انہوں نے کہا کہ کراچی کو دنیا کا ماڈل بنانے کی بجائے اس کے ساتھ سوتیلی ماں کا سلوک بند کیا جائے، چیف جسٹس آف پاکستان مہنگائی کے خلاف از خود نوٹس لیں، مظلوم غریب عوام کو مہنگائی سے نجات دلائیں۔ انہوں نے کہا کہ ایسا لگتا ہے کہ مافیاز حکومت کی رٹ کو چیلنج کر رہا ہے اور حکومت بے بس ہے، پیٹرول کو بنیاد بنا کر مہنگائی کا طوفان لایا جا رہا ہے، پیٹرول مہنگا کرنے سے پہلے حکومت مزدور کی تنخواہ کم از کم ماہانہ 50 ہزار کرے، مہنگائی نے غریب عوام سے جینے کا حق چھین لیا ہے۔
خبر کا کوڈ : 965443
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش