QR Code
تفتان، ایران کیجانب سے گرفتار پاکستانی شہری لیویز حکام کے حوالے
28 Nov 2021 20:53
بہتر روزگار کی تلاش میں ایران کے راستے غیر قانونی طور پر یورپ جانیوالے متعدد پاکستانیوں کو پاک ایران سرحد پر لیویز حکام کے حوالے کردیا گیا ہے۔ گرفتار پاکستانی بغیر کسی دستاویزات کے سفر کررہے تھے۔
اسلام ٹائمز۔ ایرانی سکیورٹی فورسز نے ایران کے مختلف علاقوں سے غیر قانونی طور داخل ہونے والے متعدد پاکستانی شہریوں کو گرفتار کرکے پاکستانی حکام کے حوالے کردیا ہے۔ تفصیلات کے مطابق بہتر روزگار کی تلاش میں ایران سے یورپ جانے کی کوشش کرنے والے 79 پاکستانی باشندوں کو ایران کی سکیورٹی فورسز نے مختلف شہروں سے گرفتار کرلیا ہے۔ گرفتار پاکستانی بغیر سفری دستاویزات کے سفر کررہے تھے۔ ایرانی حکام نے مبینہ پاکستانیوں کو تفتان بارڈر پر لیویز انتظامیہ کے حوالے کردیا ہے۔ لیویز ذرائع کے مطابق ان افراد میں 5 کے پاس پاکستانی شناختی کارڈ نہیں تھے، جسکی وجہ سے انہیں واپس ایرانی حکام کے حوالے کردیا گیا۔
خبر کا کوڈ: 965885