اسلام ٹائمز - پاکستان ماحولیاتی تبدیلی کی زد میں ہے، ملک امین اسلم

پاکستان ماحولیاتی تبدیلی کی زد میں ہے، ملک امین اسلم

فیصل آباد میں میڈیا سے گفتگو کرتے ہوئے وزیراعظم کے معاون خصوصی برائے ماحولیات کا کہنا تھا کہ حکومت اکیلی کچھ نہیں کرسکتی، پرائیویٹ سیکٹر کی شمولیت ضروری ہے۔ لاہور کو مکمل بند بھی کر دیا جائے تب بھی آلودگی پر قابو نہیں پایا جاسکتا ہے۔

اسلام ٹائمز۔ وزیراعظم عمران خان کے معاون خصوصی برائے ماحولیات ملک امین اسلم نے کہا ہے کہ پاکستان ماحولیاتی تبدیلی کی زد میں ہے۔ فیصل آباد میں میڈیا سے گفتگو میں ملک امین اسلم نے کہا کہ اس معاملے میں حکومت اکیلی کچھ نہیں کرسکتی، پرائیویٹ سیکٹر کی شمولیت ضروری ہے۔ انہوں نے کہا کہ لاہور کو مکمل بند بھی کر دیا جائے، تب بھی آلودگی پر قابو نہیں پایا جاسکتا ہے۔

وزیراعظم کے معاون خصوصی نے مزید کہا کہ فضائی آلودگی کی مانیٹرنگ کے لیے ایئر کوالٹی مانیٹرنگ اسٹیشن لگا رہے ہیں۔ اُن کا کہنا تھا کہ اپوزیشن اتحاد پی ڈی ایم شکست خوردہ عناصر اکٹھ ہے، یہ کرپشن زدہ لوگ ہیں، پچھلی حکومتوں کی کرپشن کا خمیازہ ہمیں برداشت کرنا پڑ رہا ہے۔ ملک امین اسلم نے یہ بھی کہا کہ بیرون ملک کانفرنس کے حوالے سے الزام لگایا گیا، اُس ایم این اے کو پارٹی نے شوکاز جاری کر دیا ہے۔