اسلام ٹائمز - جنگبندی پر مبنی کسی بھی نئے معاہدے کا خیر مقدم کرتے ہیں، مستعفی یمنی حکومت

جنگبندی پر مبنی کسی بھی نئے معاہدے کا خیر مقدم کرتے ہیں، مستعفی یمنی حکومت

الجزیرہ کیساتھ گفتگو میں مستعفی یمنی حکومت کے وزیر خارجہ نے یمن پر مسلط سعودی-اماراتی-امریکی جنگ میں شکست کا اعتراف کرتے ہوئے اعلان کیا ہے کہ انکی حکومت اس جنگ کے خاتمے پر مبنی کسی بھی نئے معاہدے کا خیرمقدم کرتی ہے

اسلام ٹائمز۔ مستعفی یمنی حکومت کے وزیر خارجہ احمد بن مبارک نے عرب میڈیا کے ساتھ گفتگو میں یمن پر مسلط سعودی اتحاد کی وحشتناک جنگ میں شکست کا اعتراف کرتے ہوئے اس کے فی الفور خاتمے پر زور دیا ہے۔ الجزیرہ کے ساتھ گفتگو میں احمد عوض بن مبارک نے یہ دعوی کرتے ہوئے کہ مأرب میں یمنی مستعفی حکومت کے جنگجوؤں کی حالت اچھی ہے، کہا کہ یمن کی (مستعفی) حکومت اس جنگ کے خاتمے سے متعلق ہر قسم کے نئے معاہدے کا خیر مقدم کرتی ہے۔ مستعفی یمنی وزیر خارجہ نے اماراتی حمایت یافتہ جنگجوؤں کے ساتھ سعودی حمایت یافتہ ملیشیا کے شدید اختلافات کی جانب اشارہ کرتے ہوئے یہ بھی کہا کہ جنوبی عبوری کونسل کے (اماراتی حمایت یافتہ) جنگجو عدن کی بندرگاہ و ہوائی اڈے پر قابض ہیں جبکہ اس حوالے سے ریاض معاہدے پر عملدرآمد کیا جانا چاہئے۔