اسلام ٹائمز۔ خیبر پختونخوا کابینہ میں وزراء کے محکموں میں ایک مرتبہ پھر ردوبدل کردیا گیا ہے۔ تفصیلات کے مطابق خیبر پختونخوا کابینہ میں وزراء کے محکموں میں ردوبدل کردیا گیا ہے، کامران بنگش اعلیٰ تعلیم جب کہ ارشد ایوب خان ایریگیشن کے وزیر ہوں گے، فیصل امین گنڈا پور بلدیات اور زکوۃ و عشر سمیت سماجی بہبود کے وزیر ہوں گے۔ اس کے علاوہ تاج محد ترند انرجی اینڈ پاور کی جگہ محکمہ مال کے لیے معاون خصوصی مقرر کردیے گئے ہیں۔ واضح رہے کہ اس سے قبل بھی صوبائی وزراء کے محکمے تبدیل کئے گئے ہیں۔