QR Code

کسان تنظیموں کی میٹنگ 4 دسمبر کو ہوگی، راکیش ٹکیت

1 Dec 2021 21:19

کسان لیڈر نے کہا کہ جب تک کسانوں کے تمام مطالبات حل نہیں ہوجاتے احتجاج جاری رہے گا۔ انہوں نے کہا کہ حکومت اتفاق رائے سے کوئی راستہ نکالنا چاہیئے کسانوں سے بات کرنی چاہیئے۔

اسلام ٹائمز۔ کسانوں کے مطالبات پر گزشتہ ایک برس سے دہلی کی سرحد پر احتجاج کر رہیں کسان تنظیموں کی میٹنگ بدھ کو ملتوی کر دی گئی۔ کسان لیڈر راکیش ٹکیت نے بتایا کہ چھوٹی چھوٹی میٹنگیں ہوتی رہتی ہیں لیکن آج کوئی میٹنگ نہیں ہے۔ راکیش ٹکیت نے کہا کہ کسان تنظیموں کی میٹنگ 4 دسمبر کو ہونی ہے۔ انہوں نے کہا کہ جب تک کسانوں کے تمام مطالبات حل نہیں ہوجاتے احتجاج جاری رہے گا۔ کسان لیڈر نے کہا کہ حکومت اتفاق رائے سے کوئی راستہ نکالنا چاہیئے کسانوں سے بات کرنی چاہیئے۔

یونین لیڈروں کی طرف سے یہ اشارہ دیا گیا تھا کہ بدھ کو سنگھو بارڈر پر ان کی میٹنگ ہوگی، جس میں 40 سے زیادہ کسان تنظیمیں شرکت کریں گی۔ راکیش ٹکیت نے آج صبح کہا کہ ایسی کوئی میٹنگ نہیں ہے، چھوٹی چھوٹی میٹنگیں ہوتی رہتی ہیں، منگل کو تنظیموں کی طرف سے یہ بات سامنے آئی کہ حکومت نے پنجاب کے ایک کسان لیڈر سے ایم ایس پی اور دیگر امور پر حکومت کی جانب سے تشکیل دی جانے والی ماہرین کی ایک کمیٹی میں کسانوں کی جانب سے پانچ نام بھیجے ہیں۔ کسان یونینوں کا کہنا ہے کہ حکومت کی طرف سے تجویز کردہ کمیٹی سے ان کے سامنے ابھی کوئی ٹھوس تجویز نہیں آئی ہے۔ انہوں نے کہا کہ ہمیں کمیٹی کی نوعیت کے بارے میں کوئی علم نہیں ہے۔ ان کا یہ بھی کہنا ہے کہ اگر حکومت کی طرف سے کوئی ٹھوس تجویز آئی تو وہ اس پر غور کریں گے۔

خبر کا کوڈ: 966427