QR Code

تحریک انصاف نے مشیر خزانہ شوکت ترین کو سینیٹ کا ٹکٹ جاری کر دیا

2 Dec 2021 00:56

سینیٹ کی نشست کیلئے کاغذات نامزدگی جمع کرانے کی کل آخری تاریخ ہے اور شوکت ترین کل اپنے کاغذات نامزدگی جمع کرائیں گے جبکہ سینیٹ کی خالی نشست پر پولنگ 20 دسمبر کو ہوگی۔

اسلام ٹائمز۔ پاکستان تحریک انصاف نے مشیر خزانہ شوکت ترین کو سینیٹ کا ٹکٹ جاری کر دیا۔ پی ٹی آئی کے سینیٹر ایوب آفریدی سینیٹ کی رکنیت سے مستعفی ہوگئے تھے، جس کے بعد مشیر خزانہ شوکت ترین کی سینیٹر بننے کی راہ ہموار ہوگئی تھی۔ سینیٹ کی نشست کے لئے کاغذات نامزدگی کی جمع کروانے کی کل آخری تاریخ ہے اور شوکت ترین کل اپنے کاغذات نامزدگی جمع کرائیں گے جبکہ سینیٹ کی خالی نشست پر پولنگ 20 دسمبر کو ہوگی۔

دوسری جانب مسلم لیگ (ن) کے ایم پی اے اختیار ولی نے کہا ہے کہ شوکت ترین پر اعتراضات جمع کروائیں گے کیونکہ سینیٹ امیدوار صوبے سے باہر کا کیسے ہوسکتا ہے اور کاغذات نامزدگی جمع ہونے کے بعد یہ اعتراضات جمع کرائیں گے جبکہ سینیٹ الیکشن میں حصہ لینے کے حوالے سے مشاورت جاری ہے۔

خبر کا کوڈ: 966498