0
Sunday 5 Dec 2021 01:21

پاکستان کو سعودی عرب سے 3 ارب ڈالر موصول ہوگئے، شوکت ترین

پاکستان کو سعودی عرب سے 3 ارب ڈالر موصول ہوگئے، شوکت ترین
اسلام ٹائمز۔ مشیر خزانہ شوکت ترین نے کہا ہے کہ سعودی عرب سے پاکستان کو 3 ارب ڈالر موصول ہوگئے۔ وزیراعظم کے مشیر خزانہ شوکت ترین نے ٹویٹ میں کہا ہے کہ سعودی عرب نے 3 ارب ڈالر ڈپازٹ کے طور پر دیئے ہیں، جو اسٹیٹ بینک کو موصول ہوگئے ہیں۔ مشیر خزانہ شوکت ترین نے ڈپازٹ کی رقم موصول ہونے پر سعودی ولی عہد محمد بن سلمان اور سعودی حکومت کا شکریہ ادا کیا۔ بینک حکام کے مطابق سعودی عرب سے 3 ارب ڈالر موصول ہونے کے بعد زرمبادلہ کے ذخائر میں اضافہ ہوگیا ہے، اس کے ملکی معیشت پر مثبت اثرات ہوں گے۔ پاکستان کو 3 ارب روپے کے کیش ڈیپازٹس سخت شرائط پر فراہم کیے گئے ہیں، پاکستان کو کیش ڈیپازٹس پر سالانہ 4 فیصد اور ادھار تیل کی فراہمی پر 3.8 فیصد سود ادا کرنا ہوگا۔ پاکستان کو ایک سال بعد رقم واپس ادا کرنا ہوگی۔

سعودی عرب تین دن کے نوٹس پر رقم کی واپسی کا بھی تقاضا کرسکتا ہے اور کچھ روز قبل، سعودی فنڈ فار ڈویلپمنٹ اور اسٹیٹ بینک آف پاکستان کے درمیان تین ارب ڈالر قرض ڈپازٹ معاہدے پر دستخط کیے گئے تھے۔ معاہدے کے تحت سعودی فنڈ اسٹیٹ بینک کے پاس 3 ارب ڈالر رکھوائے گا، جو اسٹیٹ بینک کے زرمبادلہ ذخائر کا حصہ بن جائیں گے۔ مذکورہ رقم سے نہ صرف پاکستان کے زرِ مبادلہ ذخائر مستحکم ہوں گے بلکہ کووڈ 19 کی وباء کے منفی اثرات دور کرنے میں مددگار ثابت ہوگی۔
خبر کا کوڈ : 966907
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش