اسلام ٹائمز۔ لاہور سمیت پاکستان بھر سے پبلشرز نے سنگل نیشنل کریکولم کے تحت پرائمری جماعت کے نئی کتابوں کے مسودے جمع کرا دیئے ہیں۔ نیشنل کریکولم کونسل نئے مسودوں کا جائزہ لے گی۔ نیشنل کریکولم کے تحت پہلی جماعت تا پانچویں جماعت تک یکساں قومی نصاب کے تحت دوبارہ کتابیں مرتب کی جا رہی ہیں۔ نیشنل کریکولم کونسل نے پرائیویٹ پبلشرز سے کتابوں کے مسودے وصول کئے ہیں۔ نیشنل کریکولم کونسل پرائیویٹ پبلشرز کے مسودے ماہرین مضامین سے جانچ پڑتال کے بعد منظور کرے گی۔ نئی کتابوں پر پرائیویٹ پبلشرز کو جملہ حقوق دیئے جائیں گے۔