کوئٹہ، کسٹمز کی کارروائی، 2 کروڑ کا غیر ملکی سامان برآمد

اسلام ٹائمز۔ کسٹمز حکام نے زیارت کراس کے مقام پر کارروائی کرتے ہوئے 2 کروڑ روپے مالیت کا غیر ملکی سامان برآمد کرلیا ہے۔ ترجمان کسٹمز حکام کے مطابق کسٹمز کوئٹہ نے زیارت کراس کے مقام پر دوران تلاشی ٹرک کے خفیہ خانوں سے چھالیہ، ایرانی خشک دودھ پاؤڈر، مختلف قسم کے ٹائرز، پلاسٹک بیگز، کاسمیٹکس اور سیگریٹس برآمد کرکے بمعہ ٹرک قبضے میں لے لیا ہے۔ ترجمان کے مطابق برآمد شدہ سامان کی قیمت 2 کروڑ روپے بنتی ہے۔ کسٹمز حکام نے واقعے کے خلاف مقدمہ درج کرکے مزید کارروائی شروع کر دی۔