اسلام ٹائمز۔ سموگ میں اضافے کے باوجود تاحال سکولوں میں چھٹیوں کا فیصلہ نہ ہو سکا، اجلاس أمیں 15 دسمبر سے 16 جنوری تک تعلیمی ادارے بند کرنے کا امکان ہے۔وفاقی وزیر تعلیم شفقت محمود نے 13 دسمبر کو بین الصوبائی وزرائے تعلیم کانفرنس طلب کرلی ہے، اس سے قبل حکومت نے عدالتی حکم پر اسموگ کیلئے ہفتہ اتوار اور سوموار کو 15 تک چھٹیاں اور دفاتر میں پچاس فیصد حاضری کے ساتھ کام کرنے کا نوٹیفکیشن جاری کیا تھا۔ اس حوالے سے وزیر تعلیم شفقت محمود نے بین الصوبائی وزرائے تعلیم کانفرنس بلائی ہے۔ کانفرنس میں پنجاب سے وزیر تعلیم ڈاکٹر مراد راس اور راجہ یاسر ہمایوں آن لائن شرکت کریں گے۔

ذرائع کا کہنا ہے کہ کانفرنس میں 15 دسمبر تا 16 جنوری تک تعلیمی ادارے بند کرنے کا فیصلہ کیا جاسکتا ہے۔ دوسری طرف سندھ حکومت کی جانب سے موسم سرما کی تعطیلات کا اعلان کر دیا گیا ہے۔ بتایا گیا ہے کہ محکمہ تعلیم سندھ کی اسٹیئرنگ کمیٹی کی ذیلی کمیٹی نے طے کیا ہے کہ صوبے بھر میں موسم سرما کی تعطیلات 20 دسمبر سے یکم جنوری تک ہوں گی۔ موسمِ سرما کی تعطیلات کے حوالے سے کمیٹی کا اجلاس جمعرات کو غلام اکبر لغاری سکریٹری تعلیم کی زیرصدارت ہونے والے اجلاس میں کیا گیا۔ سندھ کے تعلیمی اداروں میں 20 دسمبر سے شروع ہونے والی تعطیلات کے بعد اسکول 3 جنوری سے کھولے جائیں گے۔

اسلام ٹائمز