اسلام ٹائمز۔ اسلامی تحریک پاکستان کے مرکزی سیکرٹری اطلاعات زاہد علی آخونزادہ نے صوبہ خیبر پختونخوا میں بلدیاتی انتخابات کے حوالے سے اسلامی تحریک پاکستان کے غیر جانبدار رہنے کا اعلان کرتے ہوئے تنظیمی احباب اور عوام کو متوجہ کیا ہے کہ وہ ملت کے بہتر مفاد میں اپنے اپنے حلقوں میں ووٹ کاسٹ کریں۔ ایک بیان میں انہوں نے مزید کہا کہ اس امر کا اعلان صوبہ بھر سے سیاسی جماعتوں کے اسلامی تحریک پاکستان کے رہنماوں سے رابطوں کے بعد تفصیلی صلاح و مشورہ اور غور و خوص کے بعد کیا گیا ہے۔ زاہد علی آخونزادہ نے کہا کہ اسلامی تحریک پاکستان عوام سے امید رکھتی ہے کہ وہ اپنے اپنے حلقوں میں ملت کے بہترین مفاد میں اُمیدواروں کا انتخاب اور اپنے قیمتی ووٹ کا استعمال کریں گے۔