QR Code
تعلیمی اداروں میں موسم سرما کی چھٹیاں 25 دسمبر سے 4 جنوری تک کرنیکا فیصلہ
15 Dec 2021 00:28
وفاقی وزیر تعلیم شفقت محمود نے ٹوئٹر پر جاری بیان میں کہا کہ محکمہ تعلیم کے وفاقی اور صوبائی سیکریٹریز کی آج ملاقات ہوئی ہے، چھٹیاں 25 دسمبر سے 5 جنوری تک کی تجویز پر اتفاق ہوا ہے تاہم چھٹیوں کا نوٹیفکیشن صوبائی حکومتوں کی جانب سے جاری کیا جائے گا۔
اسلام ٹائمز۔ تعلیمی اداروں میں موسم سرما کی چھٹیاں 25 دسمبر سے 4 جنوری تک کرنے کی تجویز پر وفاق اور صوبے متفق ہو گئے۔ وفاقی وزیر تعلیم شفقت محمود نے ٹوئٹر پر جاری بیان میں کہا کہ محکمہ تعلیم کے وفاقی اور صوبائی سیکریٹریز کی آج ملاقات ہوئی ہے۔ انہوں نے لکھا کہ موسم سرما کی چھٹیاں 25 دسمبر سے 5 جنوری تک کی تجویز پر اتفاق ہوا ہے تاہم چھٹیوں کا نوٹیفکیشن صوبائی حکومتوں کی جانب سے جاری کیا جائے گا۔ یاد رہے کہ سندھ حکومت نے تعلیمی اداروں میں موسم سرما کی چھٹیاں 20 دسمبر سے یکم جنوری تک کرنے کا اعلان کر دیا ہے۔
خبر کا کوڈ: 968559