اسلام ٹائمز۔ خطے میں امریکی فوج کے کمانڈ سنٹر سنٹکام کے ترجمان بل اربن نے اعلان کیا ہے کہ شام کے التنف میں (غیر قانونی طور پر) قائم امریکی فوجی اڈے کو منگل کے روز ڈرون طیاروں کی مدد سے نشانہ بنایا گیا تھا۔ امریکی نیوز چینل
این بی سی کو انٹرویو دیتے ہوئے بل اربن کا کہنا تھا کہ اس دن 1 نامعلوم ڈرون طیارہ التنف کے امریکی اڈے کی ہوائی حدود میں داخل ہو گیا تھا جسے مار گرایا گیا تاہم ایک دوسرا ڈرون طیارہ حملے کے بعد صحیح سالم بھاگ نکلنے میں کامیاب ہو گیا۔ سنٹکام کے ترجمان نے کہا کہ ان حملوں کے باعث امریکی فوجی اڈے میں ہونے والے نقصان کا تاحال اعلان نہیں کیا گیا۔