وزیراعظم عوام کو ریلیف فراہم کرنا چاہتے ہیں تو اپنے عہدے سے دستبردار ہو جائیں، مریم اورنگزیب

انہوں نے کہا کہ دو خاندانوں کی سیاسی جماعتوں سے لڑنا مافیا سے لڑنے کے مترادف ہے۔انہوں نے الزام عائد کیا کہ دو پارٹیاں پی ایم ایل این اور پیپلز پارٹی نے ان کے خلاف دولت، ملک کے وسائل اور میڈیا کا استعمال کیا۔ وزیراعظم کا کہنا تھا کہ پاکستان کا اقتدار ہمیشہ دو بدعنوان خاندانوں کے پاس رہا جو صرف دولت بنانے اقتدار میں آئے تھے۔ مریم اورنگزیب مذکورہ انٹرویو کو سیاسی قرار دیتے ہوئے الزام لگایا اس وقت جب او آئی سی اجلاس کے لیے اسلامی ممالک کے لیے وزرائے خارجہ پاکستان آرہے ہیں ایسے میں یہ ملکی کی تصویر خراب کرنے اور تخریب کاری کی کوشش ہے۔ انہوں نے الزام لگایا کہ عمران خان نے اس سے قبل 2014ء میں بھی ایسا ہی کیا تھا جب مسلم لیگ (ن) کے دور حکومت میں چینی صدر پاکستان آئے تھے۔ مسلم لیگ کی سیکریٹری اطلاعات کا کہنا تھا کہ ایسا لگتا ہے کہ وزیر اعظم کے پاس ذہنی صلاحیت موجود نہیں ہے کہ او آئی سی اجلاس کی حساسیت اور اہمیت سمجھ سکیں، وہ کس طرح دنیا میں اور اسلامی ممالک کے رہنماؤں کے سامنے پاکستان کی مثبت تصویر اجاگر کریں گے۔ ان کا کہنا تھا کہ ایسا اس لیے ہے کیونکہ عمران خان کے پاس اپوزیشن کو ستانے، پریشان کرنےاور اپنی ناکامیوں کا ملبہ اپوزیشن پر ڈالنے کے علاوہ کوئی پلان نہیں ہے۔ انہوں نے کہا کہ عمران خان اپنی ناکامی کو چھپانے کے لیے پاکستان کو بدنام کر رہے ہیں۔

مسلم لیگ (ن) کے دور حکومت میں بطور وزیر اطلاعات خدمات انجام دینے والی مریم اورنگزیب نے کہا کہ قائد حزب اختلاف ہونے کے باوجود شہباز شریف کو من گھڑت الزامات پر ایک سال سے زائد عرصہ جیل میں رکھا گیا۔ انہوں نے کہا کہ ایم ایل این کے رہنماؤں کو سزائے موت کے مجرموں کے سیل میں قید کیا گیا، ہمارے خلاف طاقت، ہتھیاروں، قومی احتساب بیورو (نیب)، وفاقی تحقیقاتی ادارے (ایف آئی اے) اور ملک کے تمام اداروں کا غلط استعمال کیا گیا۔ ان کا کہنا تھا کہ عمران خان لیگی رہنماؤں پر ایک روپے کی کرپشن کا الزام بھی ثابت نہیں کر سکے۔ انہوں نے کہا کہ پاکستان تحریک انصاف کی حکومت اور ان کے کرائے کے پٹھو‘ پہلے ہی عدالت میں شرمندہ ہو چکے ہیں کیونکہ انہوں نے جھوٹے مقدمات کے خلاف کبھی کوئی شواہد پیش نہیں کیے۔