لاہور، تحریک لبیک کے 11 کارکنان کی ضمانت منظور، رہائی کا حکم

اسلام ٹائمز۔ پاکستان تحریک لبیک کے 11 گرفتار کارکنان کی درخواست ضمانت منظور کر لی گئی۔ لاہور کی انسداد دہشت گردی کی خصوصی عدالت کے جج ارشد حسین بھٹہ نے درخواست پر سماعت کی۔ تحریک لبیک کے 11 کارکنان کی بعد از گرفتاری درخواست ضمانت منظور کی گئی۔ عدالت نے ملزمان کو رہائی کیلئے 1 ،1 لاکھ روپے کے ضمانتی مچلکے جمع کرانے کا حکم دے دیا۔ ملزمان کی جانب سے سلیم کھوکھر اور اسریٰ چودھری ایڈووکیٹ نے دلائل دیئے۔ ملزمان کیخلاف شفیق آباد پولیس نے مقدمہ درج کیا تھا۔ ملزمان میں ضیا، شہزاد، راقب، ارشد، یونس، آصف، زید، حامد، اصغر، دلاور اور محمد شہزاد شامل ہیں۔