اسلام ٹائمز۔ محکمہ صحت بلوچستان کے آپریشن سیل کے انچارج ڈاکٹر نقیب نے بتایا ہے کہ ایک روز قبل بلوچستان سے اومی کرون کے جن مشتبہ افراد کے سیمپلز بھجوائے گئے تھے، انہیں اومی کرون نہیں ہے۔ تفصیلات کے مطابق قلات میں کورونا وائرس ٹیسٹ کے دوران 30 افراد میں اومی کرون وائرس کے آثار دیکھے گئے تھے۔ جنکے سیمپلز ٹیسٹ کیلئے بجھوائے گئے تھے۔ ڈاکٹر نقیب کے مطابق ان تمام مشتبہ افراد کے اومی کرون ٹیسٹ نیگٹو ہیں۔ بلوچستان میں اومی کرون کا کوئی کیس رپورٹ نہیں ہوا ہے۔ انہوں نے کہا کہ تمام مریض کورونا وائرس سے متاثرہ ہیں۔