اسلام ٹائمز۔ ینگ ڈاکٹرز ایسوسی ایشن نے ایف آئی آر کی واپسی اور ڈاکٹروں کی رہائی کے بعد بھی اپنا کوئٹہ میں احتجاج جاری رکھنے کا اعلان کر دیا ہے۔ ینگ ڈاکٹرز کا کہنا ہے کہ دیگر مطالبات کی منظوری تک احتجاج جاری رہے گا۔ انہوں نے کہا ہے کہ بلوچستان بھر کے سرکاری ہسپتالوں میں او پی ڈیز اور آپریشن تھیٹر کے بائیکاٹ کے ساتھ احتجاجی کیمپ بھی قائم رہے گا۔ مطالبات کی منظوری کے لئے ہر حد تک جائینگے۔ انہوں نے کہا کہ ہمارے مطالبات کی منظوری کیلئے ساتھیوں نے قید و بند بھی کاٹا ہے۔ حکومت کو ہر صورت میں ہمارے مطالبات تسلیم کرنے ہونگے۔