حریت رہنمائوں کا بھارت پر مقبوضہ کشمیر کو فروخت کرنے کا الزام

انہوں نے کہا کہ اگست 2019ء سے یکے بعد دیگرے آمرانہ قوانین اور حکم نامے ریاست میں اس مقصد کے لیے اور بھارت میں حکمراں جماعت کی انتخابات میں کامیابی کے امکانات کو بڑھانے کے لیے نافذ کیے جا رہے ہیں کیونکہ جموں و کشمیر اس کا پسندیدہ کوڑے مارنے والا لڑکا بن گیا ہے۔ حریت کے بیان میں کہا گیا کہ بھارتی انتظامیہ، جموں و کشمیر کی آبادی کی مذاہب، خطوں، نسلوں اور سیاسی مفادات کی بنیاد پر سیاسی امنگوں اور آوازوں کو ختم کرنے کے لیے تقسیم کرو اور حکومت کرو کی پالیسی پر عمل پیرا ہے۔ خیال رہے کہ گزشتہ ہفتے جموں و کشمیر انتظامیہ نے، جس کی سربراہی لیفٹیننٹ گورنر منوج سنہا کر رہے ہیں، زمین کے استعمال کے قوانین کو تبدیل کردیا تھا اور زرعی اراضی کو غیر زرعی مقاصد کے لیے دوبارہ درجہ بندی کرنے کی اجازت دے دی تھی۔ اس فیصلے پر علاقائی جماعتوں کی طرف سے شدید تنقید کی گئی تھی جن کا کہنا تھا کہ یہ زمین، غیر مقامی لوگوں کو آباد کرنے کے لیے استعمال کی جائے گی۔

حال ہی میں حکومت نے پارلیمنٹ کو بتایا تھا کہ خصوصی حیثیت حیثیت کے خاتمے کے بعد جموں و کشمیر میں صرف 7 پلاٹ خریدے گئے ہیں۔ جموں و کشمیر سے باہر کے لوگوں کو وادی میں زمین خریدنے کی اجازت دینا بھارتیہ جنتا پارٹی (بی جے پی) اور مرکز کے لیے اہم معاملہ رہا ہے لیکن اس میں اسے بڑی کامیابی نہیں ملی ہے۔ آل پارٹیز حریت کانفرنس نے کہا کہ جموں و کشمیر کی صورتحال انتہائی پریشان کن اور انتہائی جابرانہ ہے کیونکہ لوگ اس نوآبادیاتی ذہنیت کا شکار ہورہے ہیں۔ اس نے لوگوں سے کہا کہ وہ امید نہ ہاریں بلکہ چوکس رہیں اور اپنی زمین اور وسائل پر اپنے حق کی ہر ممکن طریقے سے حفاظت کریں۔ واضح رہے کہ حال ہی میں بھارتی حکومت اور اس کی دست نگر انتظامیہ نے جموں میں اپنی نوعیت کی پہلی ریئل اسٹیٹ کانفرنس کا انعقاد کیا تھا جس میں ملک بھر کے لوگوں کو جموں و کشمیر میں زمین یا دوسرا گھر خریدنے کی ترغیب دی گئی تھی۔