0
Tuesday 4 Jan 2022 18:06

چین کی بڑھتی دراندازی پر مودی کی خاموشی حیران کن ہے، راہل گاندھی

چین کی بڑھتی دراندازی پر مودی کی خاموشی حیران کن ہے، راہل گاندھی
اسلام ٹائمز۔ انڈین کانگریس کمیٹی کے سابق صدر راہل گاندھی نے کہا ہے کہ چین ہندوستانی سرحد میں مسلسل دراندازی کر رہا ہے اور وہ سرحد پر سرگرمیاں بڑھا رہا ہے، لیکن وزیر اعظم نریندر مودی اس پر خاموش ہیں اور ان کی یہ خاموشی حیران کن ہے۔ کانگریس لیڈر نے منگل کو کہا کہ چین ہندوستانی سرحد کے قریب مسلسل سرگرمیاں بڑھا رہا ہے اس نے پینگونگ لیک پر گزشتہ دو مہینے کے دوران پل کی تعمیر کی اور یہ تعمیراتی کام لائن آف ایکچوئل کنٹرول (ایل اے سی) کے بالکل قریب کیا ہے۔ انہوں نے کہا کہ چین جس طرح ہمارے لئے وارننگ بن رہا ہے، اس کا جواب دیا جانا چاہیئے، لیکن حیران کن بات یہ ہے کہ ملکی سلامتی سے جڑے اس معاملے پر وزیراعظم حیران کن طور پر خاموش ہیں۔ راہل گاندھی نے کہا کہ وزیراعظم کی خاموشی غیر معمولی ہے۔ انہوں نے کہا کہ ہماری سر زمین، ہمارے لوگ، ہماری سرحدیں زیادہ تحفظ کی مستحق ہیں۔
خبر کا کوڈ : 971969
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش