QR Code

علی پور، ایم ڈبلیو ایم پولیٹیکل کونسل کا اجلاس، صوبائی سیکرٹری سیاسیات کی شرکت

5 Jan 2022 05:09

اجلاس میں ضلع کی سیاسی صورتحال کا جائزہ لیا گیا اور اجلاس میں فیصلہ کیا گیا کہ بلدیاتی الیکشن میں بھرپور حصہ لیا جائے گا۔ اجلاس میں ضلع کی مختلف نیبرہڈ کونسل اور ویلج کونسل میں یونٹ سازی پر زور دیا گیا۔

اسلام ٹائمز۔ مجلس وحدت مسلمین ضلع علی پور کی پولیٹیکل کونسل کا اجلاس منعقد ہوا۔ اجلاس میں خصوصی طور پر ایم ڈبلیو ایم جنوبی پنجاب کے صوبائی سیکرٹری سیاسیات انجینیئر سخاوت علی سیال نے شرکت کی۔ جبکہ اس موقع پر ضلعی سیکرٹری جنرل سید رضوان حیدر کاظمی، ضلعی سیکرٹری سیاسیات سید شاکر کاظمی اراکین پولیٹیکل کونسل سید اعجاز زیدی، اظہر نقوی اور تصور عباس موجود تھے۔ اجلاس میں ضلع کی سیاسی صورتحال کا جائزہ لیا گیا اور اجلاس میں فیصلہ کیا گیا کہ بلدیاتی الیکشن میں بھرپور حصہ لیا جائے گا۔ اجلاس میں ضلع کی مختلف نیبرہڈ کونسل اور ویلج کونسل میں یونٹ سازی پر زور دیا گیا۔ اجلاس میں سیاسی حوالے سے مختلف کمیٹیاں اور ان کے کوارڈینیٹر کا تعین کیا گیا۔ اجلاس سے خطاب کرتے ہوئے صوبائی سیکرٹری سیاسیات انجینیئر سخاوت علی نے کہا کہ مجلس وحدت مسلمین نے ہمیشہ مظلوموں اور محروموں کی آواز بلند کی ہے، اور وطن عزیز کی نظریاتی اور جغرافیائی سرحدوں کے امین ہیں۔

خبر کا کوڈ: 972080