وفاقی وزیر داخلہ رحمان ملک کی صدارت میں وزیر اعلیٰ ہاؤس میں اہم اجلاس

اجلاس کے دوران امن و امن کی صورتحال باالخصوص پولیس اور رینجرس کی جانب سے ٹارگیٹ کلرز، بھتہ خوری، دہشتگردوں اور دیگر جرائم پیشہ افراد کے خلاف بلاتفریق اور سیاسی وابستگی سے بالا کئے گئے اقدامات کے متعلق تفصیلی جائزہ لیا گیا۔ اجلاس میں فیصلہ کیا گیا کہ ٹارگیٹ کلرز اور مجرمانہ کارروائیوں میں ملوث افراد کے خلاف سخت کارروائی جاری رکھی جائے گی۔ جبکہ ٹارگیٹ کلرز کے نام اور تفصیلات سے جلد ہی عوام کو بھی آگاہ کیا جائے گا۔ اجلاس کے دوران مجرموں کے خلاف حکومتی اقدامات پر مکمل اطمینان کا اظہار کرتے ہوئے مزید فیصلہ کیا گیا کہ سماج دشمن عناصر کو کسی صورت نہیں بخشا جائے گا، تاکہ کراچی میں امن و امان کی صورتحال کو ہر حال اور ہر قیمت پر برقرار رکھا جا سکے۔