اسلام ٹائمز - کراچی، کورونا کے پھیلاؤ میں خطرناک اضافہ

محکمہ صحت سندھ کے مطابق کراچی میں گزشتہ 24 گھنٹوں کے دوران کورونا کے 6048 ٹیسٹ کیے گئے جن میں سے 1223 مزید کیسز سامنے آئے۔

اسلام ٹائمز۔ کراچی میں کورونا کی شرح میں تیزی سے اضافہ ہورہا ہے جب کہ اومی کرون ویرینٹ کی شرح بھی خطرناک حد تک جا پہنچی ہے۔ محکمہ صحت سندھ کے مطابق کراچی میں گزشتہ 24 گھنٹوں کے دوران کورونا کے 6048 ٹیسٹ کیے گئے جن میں سے 1223 مزید کیسز سامنے آئے۔ محکمہ صحت کا بتانا ہے کہ شہر میں کورونا کے مثبت کیسز کی شرح 20.22 فیصد ہو گئی ہے جب کہ شہر بھر میں اومی کرون ویرینٹ کیسز کی شرح 95 فیصد سے زائد ہو چکی ہے۔ دوسری جانب ملک بھر میں کورونا کی سب سے بلند شرح والے شہروں میں بھی کراچی سرفہرست ہے۔ علاوہ ازیں گزشتہ 24 گھنٹوں کے دوران لاہور میں کورونا کی شرح 7 فیصد، راولپنڈی میں 4 فیصد سے زائد اور اسلام آباد میں یہ شرح ساڑھے 4 فیصد رہی۔