0
Thursday 13 Jan 2022 03:10

تعلیمی اداروں کی بندش پر غور کیلیے وفاقی وزیر تعلیم نے آج اجلاس طلب کرلیا

تعلیمی اداروں کی بندش پر غور کیلیے وفاقی وزیر تعلیم نے آج اجلاس طلب کرلیا
اسلام ٹائمز۔ ملک میں کورونا وائرس کے کیسز میں ایک مرتبہ پھر اضافے کے پیش نظر بین الصوبائی وزرائے تعلیم کانفرنس کا اہم اجلاس طلب کرلیا گیا ہے۔ وفاقی وزیر تعلیم شفقت محمود کی زیر صدارت بین الصوبائی وزرائے تعلیم کانفرنس کا انعقاد آج ہوگا۔ اس حوالے سے فراہم کردہ معلومات کے مطابق اہم اجلاس صبح 11 بجے ہوگا جس میں کورونا کے بڑھتے ہوئے کیسز کے تناظر میں تعلیمی اداروں کے حوالے سے اہم فیصلے متوقع ہیں۔ ذرائع نے بتایا کہ اجلاس میں وزارت صحت اور  نیشنل کمانڈ اینڈ آپریشن سینٹر (این سی او سی) کے حکام کورنا وبا کی صورتحال پر بریفنگ بھی دیں گے۔ ذرائع کے مطابق اجلاس میں تعلیمی اداروں کی بندش کی تجویز پر بھی آرا لی جائیں گی۔

خیال رہے کہ پاکستان میں کورونا وائرس کی نئی قسم اومی کرون کے کیسز میں اضافہ دیکھنے میں آیا ہے اور این سی او سی کے مطابق ملک میں گزشتہ 24 گھنٹے کے دوران کورونا کے 2 ہزار سے زائد کیسز رپورٹ ہوچکے ہیں جو گزشتہ برس 23 ستمبر کے بعد پہلی مرتبہ ہے۔ ملک بھر میں 23 ستمبر 2021 کو 2 ہزار 233 کیسز رپورٹ کیے گئے تھے۔
خبر کا کوڈ : 973301
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش