کوئٹہ، گیس لیکج کے باعث حادثہ، خاتون اور بچے زخمی

اسلام ٹائمز۔ گیس لیکج دھماکے سے بلوچستان صوبائی دارالحکومت کوئٹہ میں خاتون اور بچوں سمیت 4 افراد جھلس کر زخمی ہوگئے ہیں۔ ریسکیو ذرائع کے مطابق سریاب روڈ زمیندار گلی میں گیس لیکج کے باعث دھماکا ہوا۔ جس کے نتیجے میں خاتون اور بچوں سمیت 4 افراد زخمی ہوگئے۔ زخمیوں میں ثناء بی بی، بتول، راحیل اور محب شامل ہیں۔ ریسکیو ذرائع کا کہنا ہے کہ جھلسنے والے افراد کو بی ایم سی برن یونٹ منتقل کردیا گیا ہے۔ جہاں انہیں طبی امداد فراہم کی جارہی ہے۔