کراچی میں داعش کے نیٹ ورک کا اہم دہشتگرد عبدالغنی گرفتار

اسلام ٹائمز۔ کراچی میں کاؤنٹر ٹیررازم ڈپارٹمنٹ (سی ٹی ڈی) نے کارروائی کے دوران عالمی دہشت گرد تنظیم داعش کے نیٹ ورک کا اہم دہشت گرد گرفتار کرلیا۔ سی ٹی ڈی کا کہنا ہے کہ داعش کا اہم دہشت گرد عبدالغنی نادرن بائی پاس کے قریب سے گرفتار کیا گیا ہے۔ سی ٹی ڈی کا کہنا ہے کہ عبدالغنی عرف ابو منصور سے بم بنانے کا سامان برآمد ہوا ہے۔ سی ٹی ڈی حکام کا کہنا ہے کہ دہشت گرد شہر میں بڑی کارروائی کے لئے آیا تھا۔