QR Code

35 سال جبر میں گزارے، اب جماعتِ اسلامی کراچی کی قیادت کریگی، حافظ نعیم الرحمٰن

21 Jan 2022 20:12

کراچی میں میڈیا سے گفتگو کرتے ہوئے امیرِ جماعتِ اسلامی کراچی نے کہا کہ حکمران مقامی حکومتوں کو اختیارات نہیں دینا چاہتے، یہ صوبے اور وفاق میں بیٹھی حکومتوں کا وطیرہ ہے، ہم مطالبہ کرتے ہیں کہ بلدیہ کو مکمل آکٹرائے ٹیکس دیا جائے۔

اسلام ٹائمز۔ امیرِ جماعتِ اسلامی کراچی حافظ نعیم الرحمٰن کا کہنا ہے کہ کراچی نے 35 سال جبر میں گزارے، اب جماعتِ اسلامی شہر کی قیادت کرے گی۔ کراچی میں میڈیا سے گفتگو کرتے ہوئے امیرِ جماعتِ اسلامی کراچی حافظ نعیم الرحمٰن نے کہا کہ حکمران مقامی حکومتوں کو اختیارات نہیں دینا چاہتے۔ انہوں نے کہا کہ یہ صوبے اور وفاق میں بیٹھی حکومتوں کا وطیرہ ہے، ہم مطالبہ کرتے ہیں کہ بلدیہ کو مکمل آکٹرائے ٹیکس دیا جائے۔ امیرِ جماعتِ اسلامی کراچی حافظ نعیم الرحمٰن نے کہا کہ عباسی شہید اسپتال زبوں حالی کا شکار ہے، اس کی او پی ڈی کے باہر کچرے کے انبار لگے ہیں۔ ان کا مزید کہنا ہے کہ طلبہ یونین جمہوریت کی نرسری ہے، 1984ء میں ایک آمر نے طلبہ یونین پر پابندی لگائی تھی۔ حافظ نعیم الرحمٰن نے یہ بھی کہا کہ پیپلز پارٹی جمہوریت کی علم بردار ہے تو سندھ میں کیوں طلبہ یونین پر پابندی عائد ہے؟

خبر کا کوڈ: 974867