اسلام ٹائمز۔ امامیہ اسٹوڈنٹس آرگنائزیشن پاکستان ملتان ڈویژن کے زیراہتمام یمن کے مظلوم مسلمانوں پر جاری وحشیانہ مظالم کے خلاف ملک بھر کی طرح ملتان میں بھی آج یوم احتجاج منایا جائے گا، ملتان سے جاری بیان کے مطابق آئی ایس او کے زیراہتمام ملتان پریس کلب کے سامنے یمنی مسلمانوں کی حمایت میں سعودی جارحیت کے خلاف احتجاجی مظاہرہ کیا جائے گا، واضح رہے کہ امامیہ اسٹوڈنٹس آرگنائزیشن پاکستان کے زیراہتمام آج ملک کے تمام بڑے شہروں میں احتجاجی مظاہرے کیے جائیں گے۔ جن میں گلگت، اسلام آباد، لاہور، ملتان اور کراچی شامل ہیں۔